我一直都有暗瘡既問題，年幾黎試過睇中西醫、食A酸、食中成藥、搽各式各樣既暗瘡膏 (, 茶樹油, 仲有唔知咩秘方)、做美容療程... 但係都冇明顯既改善🤦🏻♀
大半年前join左營養生，Ken好細心同我分析我既情況，解釋茶療既成份同效用，建議合適既飲食。一開始時我都可以跟足兩三日，但係見到暗瘡情況冇咩改善，加上自認吃貨既我真係無法抗拒食物既引誘，見到好味既蛋糕、雪糕、海鮮、炸物... 就咩皮膚問題都拋諸腦後🤦🏻♀ 照樣食返，當然暗瘡緊係冇好過，不過好彩有飲茶包，暗瘡亦冇惡化🤪
跟住，每次返去review Ken都同我講解返身體數據，因應我既情況準備唔同既茶包，仲苦口婆心咁勸我唔好再食嗰啲邪惡既食物，建議返有咩食物適合我。見到佢咁用心良苦，我再咁樣任性落去都有啲慚愧😅所以後來我的起心肝，食得乾淨啲，揀返啱我既食物，避免高刺激性同埋容易致敏既食物。每次搵餐廳/嗌野食都要經過一輪內心掙扎🤦🏻♀當然要我完全戒食真係冇可能，唯有盡量食少啲啦🤪(我諗如果肯戒得清應該會好快啲)
依家跟左半年有多，我爛面情況改善左好多，雖然有時會生一兩粒暗瘡，但係情況受控，唔會大爆發。可能日日見到自己，初時都冇留意到皮膚既轉變，直至呢排有一次我飲左一大碗人蔘湯之後，隔一日塊面就爆左兩三粒大暗瘡，跟住幾日都有生幾粒小暗瘡，嚇死我喇！我唔想變返以前咁😖好彩食野一直都有影相做紀錄，問返Ken，先知身體乾淨左，塊面好左，對一啲自己本身敏感既食物反應特別明顯🤦🏻♀以前食左都唔覺有咩反應㗎，因為塊面本身已經爛，再加重啲自己都唔會覺，但係依家個底好左，爆一兩粒已經好明顯。之後Ken幫我review時亦幫我調整返茶包成份，經過呢一次後，我唔敢再亂食野，乖乖地keep住飲茶🍵